నాలుగు తరాలుగా హోటలంటే అలా ఉండాలి ఆ ఊరెడితే అక్కడ తిని తీరాలనే సంస్థలు నడిపిన మా కుటుంబం వ్యాపారంలోనే కాదు ఆదర్శాల్లోనూ పెద్దపీటే. స్వాతంత్ర్యసమరయోధులు, గాంధేయవాదులు. చదువు చదువుకోసమే ఉద్యోగం చెయ్యడానిక్కాదు అనేకమందికి ఉపాధి కల్పించడానికని నమ్మి నాకిష్టమైనవి చదివించినందుకు పుస్తకాల పురుగయ్యి ఆ వ్యాపారమే వదిలింతర్వాత మూడొందల అరవయ్యైదు రోజులూ, రోజుకు పద్దెనిమిది గంటలు పనిచేసే వ్యాపకంలోంచి విడుదలయ్యాను. అమ్మ ఊహ ఎరిగి విశ్రాంతి తీసుకోవడం ఎరగను. పదో ఏట నుంచీ అందరికీ హోటల్ పనిలో శిక్షణ.